विष्णु माझीकाे गीत सार्वजनिक, तीन घन्टामा ३ हजार प्रतिक्रिया

काठमाडाैं ।  चर्चित गायिका विष्णु माझीको नयाँ गीत ‘म त नराउरी’ सार्वजनिक भएको छ। 

विगतका वर्षहरुमा जस्तै यस वर्ष पनि माझीले तीज पर्वको पूर्वसन्ध्यामा  नयाँ गीत सार्वजनिक गरेकी हुन्। 

गीतको रचनाकार, संगीतकार तथा निर्देशक उनका श्रीमान् सुन्दरमणि अधिकारी रहेका छन् । मौसम हिमालीको कोरियोग्राफी रहेकाे गीतमा

ललिताले अभिनय गरेकी छिन् । ललिता माझीकाे गीतकाे नियमित माेडल हुन् ।

माझीकाे गीतमा नारीकाे वेदना समेटिएकाे छ । तीन वर्ष अघि सार्वजनिक माझीकाे गीत 'चरी जेलैमा' निकै चर्चित थियाे । यसपालीकाे उनकाे गीत ठिकैकाे छ । अन्य गायक गायिकाले राम्राे गीत नल्याएकाले यसपाली धेरै चर्चा यही गीतले पाउने सम्भावना छ ।

युट्युमा राखेकाे तीन घन्टामै १ लाख बढी दर्शकले हेरिसकेका छन् भने तीन हजार पाँच सय बढी कमेन्ट आएकाे छ । कमेन्टमा गीतकाे प्रसंसा गर्नेहरु धेरै छन् ।