कांग्रेस-एमालेले नियुक्त गरेका छ राजदुत फिर्ता बाेलाउने सरकारकाे निर्णय

काठमाडाैं । सरकारले ६ मुलुकका राजदूतलाई फिर्ता बोलाउने निर्णय गरेको छ। 

तत्कालीन कांग्रेस-एमाले गठबन्धन सरकारले भागबण्डाका आधारमा नियुक्त गरेका राजदूतलाई आइतबार बसेको मन्त्रिपरिषद् बैठकले फिर्ता बोलाउने निर्णय गरेको हो।

भारतका लागि नेपालका राजदूत डाक्टर शंकरप्रसाद शर्मा, अस्ट्रेलियाका चित्रलेखा यादव, श्रीलंकाका लागि डाक्टर पूर्णबहादुर नेपाली, दक्षिण कोरियाका डाक्टर शिवमाया तुम्बाहाङ्फे, डेनमार्कका सुम्निमा तुलाधर र दक्षिण अफ्रिकाका राजदूत कपिल श्रेष्ठलाई फिर्ता बोलाउने निर्णय बर्तमान सरकारले गरेको हो।

उनीहरूलाई एक महिनाभित्र फिर्ता हुने गरी बाेलाउने परराष्ट्र मन्त्रालय श्रोतले जनाएको छ।