बुटवलमा पनि सुरु भयाे अतिक्रमित जग्गा खाली गर्ने अभियान

काठमाडाैं । काठमाडाैंका सुकुम्वासी बस्तीमा डाेजर चलेपछि अन्य स्थानमा पनि अतिक्रमित जमिन खाली गराउने अभियान सुरु भएकाे छ । उच्च अदालत बुटवलको अतिक्रमित सरकारी जग्गामा डोजर चलाउन सुरु भएकाे छ । 

बुटवल उपमहानगरपालिकाले अदालतको अनुरोधमा बुटवल–४ जेसिज चोक उत्तरतर्फको अतिक्रमित जग्गा खाली गराउने तयारी अघि बढाएको हो। 

अहिले व्यवसायी र संरचना बनाएकाहरू बिहानैदेखी सामान सार्न व्यस्त देखिएका छन्। 

उक्त जग्गामा वर्षौंदेखि घरटहरा, पसल तथा विभिन्न संघसंस्थाका भवन रहेका छन्। उपमहानगरपालिकाले चाँडै सूचना निकालेर हटाउने अभियान सुरु गर्न सक्ने जनाएको छ।