चितवनमा ट्रकमा स्कुटर ठोक्किँदा दुई युवाको मृत्यु

काठमाडौँ । चितवनको भरतपुर–१५, अतिथि पार्टी प्यालेस नजिकै ट्रकको पछाडि स्कुटर ठोक्किँदा दुई युवाको मृत्यु भएको छ ।

भरतपुरबाट रामपुर जाँदै गरेको ना५ख ५८१६ नम्बरको ट्रकमा सोही दिशातर्फ गइरहेको बाप्र०६००४ प ७२४८ नम्बरको स्कुटर पछाडिबाट ठोक्किँदा दुर्घटना भएको हो ।

दुर्घटनामा भरतपुर महानगरपालिका–२६, दिव्यनगरका २२ वर्षीय अशोक भण्डारी र पछाडि सवार लमजुङ घर भई हाल भरतपुर महानगरपालिका–२० बस्ने १९ वर्षीय राजीब गुरुङ गम्भीर घाइते भएका र उपचारक्रममा आज बिहान उनीहरुको मृत्यु भएको हो ।

ट्रक चालक मकवानपुर, राक्सिराङ गाउँपालिका–३ का २७ वर्षीय बाबुलाल थोकरलाई प्रहरीले नियन्त्रणमा लिएको छ ।