रुपन्देही–३ काे उपनिर्वाचनका लागि उम्मेदवार सिफारिस गर्न एमालेको परिपत्र

काठमाडौँ। नेपाल कम्युनिष्ट पार्टी (एमाले)ले रुपन्देही क्षेत्र नंं.–३ मा आगामी कात्तिक १७ गते हुने उपनिर्वाचनका लागि उम्मेदवारकाे नाम सिफारिस गर्न परिपत्र गरेकाे छ। 

प्रतिनिधिसभा सदस्य दीपक बोहोराको निधनपछि रिक्त भएको रुपन्देही–३ मा हुने उपनिर्वाचनमा एक महिलासहित तीन जना उम्मेदवारको नाम सिफारिस गर्न जिल्ला र प्रदेश कमिटीलाई परिपत्र गरेको हाे।

पार्टी महासचिव शङ्कर पोखरेलले आगामी भदौ १५ गतेभित्र उम्मेदवारको नाम पार्टी केन्द्रीय कार्यालयमा सिफारिस गर्न परिपत्र गरेका हुन्।

उम्मेदवार सिफारिस गर्नुअघि निर्वाचन क्षेत्र समन्वय कमिटीले जिल्ला र प्रदेश कमिटीसँग पनि राय लिन आग्रह गरिएको छ।