आमा बन्न लागेकी क्याट्रिनाको बाल्कोनीको तस्विर कसरी बाहिरियो ?

मुम्बई ।  केही समय अघि बलिउड कलाकार क्याट्रिना कैफ र विक्की कौशलले आफ्नो पहिलो बच्चाको आशा गरिरहेको घोषणा गरे । जुन घोषणाले उनीहरुका प्रशंसक खुसी भए । आफ्नो व्यक्तिगत जीवनलाई गोप्य राख्न खप्पिस भनेर चिनिने क्याट्रिनाको बाल्कोनीबाट खिचिएका तस्बिरहरू अनलाइनमा आएपछि केही समयपछि हुनेवाला आमाबाबु फेरि एक पटक विवादमा परे ।

सहमति बिना क्याट्रिना कैफको तस्बिर क्लिक गरेको भन्दै सोनाक्षी सिन्हाले मिडिया पोर्टलको आलोचना गरिन् । शुक्रबार बिहान, एक मिडिया पोर्टलले उनको मुम्बई निवासको बाल्कोनीमा बसिरहेकी तस्बिरहरू सार्वजनिक गरेको थियो । 

तस्बिरहरूसँगै, पोर्टलले पोस्टको क्याप्सनमा लेख्यो,‘विशेषः क्याट्रिना कैफ आफ्नो डेलिभरी मिति नजिकिँदै गर्दा आफ्नो बाल्कोनीमा निस्किइन् ।’ तस्बिरहरूले सामाजिक सञ्जाल प्रयोगकर्ताहरूलाई आक्रोशित बनायो, धेरैले प्रकाशनलाई नैतिक सीमा पार गरेकोमा भनेर आलोचना गरे ।